Detalles

Bo día,

acabamos de publicar no Campus Virtual a asignación provisional de temas e tutores de TFG (primeira quenda, curso 2021/2022) que se inclue tamén como anexo desta publicación. A asignación inclúe:

  • Un listado ordenado das persoas solicitantes coa sua nota media do expediente
  • Un listado do título e titor asignado a cada persoa
  • Un listado das persoas que non teñen asignación por non estar dispoñible a súa selección e ter marcado que non desexa outra asignación
  • Un listado detallado do proceso de asignación para poder revisar que é correcto

Revisade a asignación, e se detectades erros, escribide un correo a decanato.humanidades@udc.es, con copia a miguel.luaces@udc.es e m.p.santos@udc.es explicando o erro e solicitando a súa resolución. O prazo de reclamacións remata o xoves 13 de xaneiro ás 23:55.

¡Non contactedes ainda co profesorado asignado! Unha vez remate o prazo de reclamacións publicarei a asignación definitiva e entón xa poderedes contactar co profesorado para comenzar o TFG.

Anexo:

Asignación provisional de temas e titores de TFG do Grao en Xestión Industrial de Moda

Detalles

Despois do periodo de reclamacións, acabamos de publicar no Campus Virtual a asignación provisional de entidades de prácticas (primeira quenda, curso 2021/2022) do Grao en Xestión Industrial da Moda.

Detalles

Hoxe publicouse na materia de Traballos de Fin do Grao en Xestión Industrial da Moda no Campus Virtual a oferta de temas de TFG da primeira quenda do curso 2021/2022. O prazo para solicitar indicar os temas que se desexan por orde de preferencia remata o 20 de decembro ás 23:55. O formulario está dispoñibel no Campus Virtual.

Detalles

Acabamos de publicar no Campus Virtual a asignación provisional de entidades de prácticas (primeira quenda, curso 2021/2022) do Grao en Xestión Industrial da Moda. A asignación inclúe:

  • Un listado ordenado das persoas solicitantes co sua nota media do expediente
  • Un listado das entidades asignadas a cada persoa e a que se lles enviará o CV da persoa solicitante.
  • Un listado detallado do proceso de asignación para poder revisar que é correcto.

Os criterios da asignación foron os seguintes:

  • A cada entidade se lle enviarán os CVs dun máximo de cinco persoas por plaza coa maior nota media.
  • No caso de que a entidade solicitada por unha persoa non estivera dispoñible (por ter xa cinco persoas asignadas), se asignan as seguintes entidades por orden de preferencia.
  • No caso de que as entidades solicitadas pola persoa xa non estiveran dispoñibles, e se a persoa aceptou ser asignado outra entidade a maiores das solicitadas, engadíronse entidades novas até alcanzar un mínimo de tres entidades por persoa.

Revisade a asignación, e se detectades erros, escribide un correo a decanato.humanidades@udc.es, con copia a miguel.luaces@udc.es e m.p.santos@udc.es explicando o erro e solicitando a súa resolución. O prazo de reclamacións remata o martes 14 de decembro ás 23:55.

Detalles

Imagen

De esquerda a dereita, Julieta Vélez Lacour, Antía Rodríguez Porto e Sara Veiguela Meignen

As alumnas do segundo curso do grao en Xestión Industrial da Moda, Julieta Vélez Lacour, Antía Rodríguez Porto e Sara Veiguela Meignen, acadaron o primeiro premio do Concurso de Vídeos “Móvete polos ODS” que promove a Rede Galega de Cooperación Universitaria ao Desenvolvemento (RGCUD) co obxectivo de mobilizar e comprometer ás persoas participantes e ao resto na sociedade fronte aos grandes retos mundiais como poden ser o cambio climático, as desigualdades sociais e de xénero, a perda da biodiversidade ou mesmo a escaseza de auga. O vídeo elaborado por estas tres estudantes da Facultade de Humanidades e Documentación, “Fashion Victims”, conseguiu sumar o maior número de likes na canle de You Tube do concurso onde se publicaron os 19 vídeos participantes.

Imagen

De esquerda a dereita, Eva Castro Vilaboy, Noa Alonso Pérez e Carla García Touriño

A maiores, outras tres alumnas do segundo curso do grao en Xestión Industrial da Moda, Eva Castro Vilaboy, Noa Alonso Pérez e Carla García Touriño, acadaron o terceiro premio neste mesmo certame co vídeo “Qué quieres ser?”. As gañadoras do primeiro premio recibirán 550 euros e as do terceiro 200 euros.

Imagen

De esquerda a dereita, Lucía Sánchez Domínguez, Sabela Seco Pérez e Camila Ros Torres

Pola súa banda, o xurado do Concurso de Vídeos “Móvete polos ODS” outorgoulle o Premio á Innovación, dotado con 400 euros, ao vídeo “Moda por el clima” elaborado por outras tres alumnas do segundo curso do grao en Xestión Industrial da Moda, Lucía Sánchez Domínguez, Sabela Seco Pérez e Camila Ros Torres. Nesta ocasión, o xurado valorou moi positivamente o axuste á temática do concurso, a súa orixinalidade e creatividade así como a súa calidade técnica.