As persoas que, matriculadas na Universidade de Vigo nos estudos de Grao en Relacións Internacionais, desexen cambiar á Universidade da Coruña o seu expediente, axustaranse ao seguinte procedemento:

1. Solicitude:

   • Prazo: do 1 de xuño ao 1 de xullo de 2024, ambos os dous incluídos.
   • Medio: correo electrónico dirixido á dirección soa@udc.gal, indicando:
     • Asunto: Cambio de universidade de custodia de expediente-Grao en Relacións Internacionais.
     • Corpo do correo: Solicito o cambio do meu expediente nos estudos de Grao en Relacións Internacionais dende a Universidade de Vigo á Universidade da Coruña.
     • Arquivos adxuntos:
       • Copia do DNI/Pasaporte/NIE en vigor.
       • Copia simple do expediente académico que recolla a situación da persoa solicitante na data da solicitude.

2. Selección:

   • A selección efectuarase tendo en conta, unicamente, a media do expediente universitario, sempre e cando as persoas solicitantes cumpran os requisitos de permanencia da UDC.
   • Esta media calcularase tendo en conta a situación do expediente da persoa solicitante unha vez pechadas as actas de cualificacións das probas de avaliación da segunda oportunidade na Universidade de Vigo.
   • A Universidade da Coruña solicitará á Universidade de Vigo as correspondentes certificacións académicas para o cálculo da dita media.
     • Listado provisional: 24 de xullo de 2024.
     • Prazo de reclamacións: do 25 ao 29 de xullo de 2024.
     • Listado definitivo: 31 de xullo de 2024.

3. Matrícula:

   • Do 16 de agosto ao 4 de setembro de 2024.

4. Prazas ofertadas:

   • Para primeiro curso: 1.
   • Para segundo curso: 3.
   • Para terceiro curso: 23.

   A estes efectos, considéranse alumnos de primeiro curso os que, no momento da valoración dos expedientes, teñan pendente de superar, cando menos, unha materia dese curso; considéranse alumnos de segundo curso os que, no momento da valoración dos expedientes, teñan superadas todas as materias do primeiro curso e teñan pendente de superar, cando menos, unha materia de segundo curso; considéranse alumnos de terceiro curso os que, no momento da valoración dos expedientes, teñan superadas todas as materias de primeiro e segundo curso.

A información completa do procedemento pódese consultar na Normativa de Xestión Académica da Universidade da Coruña para o curso 2024/25.