Finalizado o segundo período de matrícula do prazo extraordinario, de acordo co establecido no artigo 15 do Acordo do 16 de decembro de 2025, do Consello de Goberno, polo que se aproba a Normativa de preinscrición e matrícula nos Mestrados universitarios para o curso académico 2026/27, procédese a publicar a listaxe de persoas convocadas a matrícula no Máster Universitario en Estudos Avanzados en Museos, Arquivos e Bibliotecas para as dúas prazas vacantes existentes.
As persoas admitidas disporán dun prazo de matrícula que comeza ás 00:01 (hora peninsular española) do 7 de outubro de 2026 e remata ás 23:59 (hora peninsular española) do 9 de outubro de 2026. No caso de non efectuar a matrícula, perderán a praza asignada.
No suposto de que, finalizado o prazo de matrícula, queden prazas sen ocupar, serán convocadas a matrícula as persoas que figuran na listaxe de agarda, pola súa orde de nota, agás se están xa matriculadas nunha titulación de maior preferencia.
Contra esta resolución definitiva poderase presentar un recurso de alzada perante o reitor no prazo dun mes contado a partir do día seguinte ao da súa publicación na páxina web do Centro.