A Facultade de Humanidades e Documentación dispón de espazos comúns (aulas, salas informatizadas, seminarios, salón de graos e Aula Magna) que poden reservarse para actividades académicas, científicas, culturais e divulgativas.
Persoal docente e investigador (PDI) e persoal de administración e servizos (PAS)
As reservas realízanse a través do Sistema de Xestión de Espazos da UDC.
Reservar un espazo (espazos.udc.es) →
Estudantado e usuarios externos
O estudantado debe solicitar o uso dos espazos ao decanato mediante o formulario habilitado para o efecto. Os usuarios externos rexeranse polas Normas de uso de bens de dominio público da UDC.
Formulario de Reserva de Espazos
Condicións xerais
Segundo a normativa aprobada pola Xunta de Facultade do 18 de febreiro de 2026:
- A actividade docente das titulacións ten prioridade sobre calquera outro uso.
- As solicitudes deben realizarse cun mínimo de tres días hábiles de antelación.
- Non se poderá facer uso do espazo ata recibir a confirmación da reserva.
- A persoa solicitante é responsable do bo uso do espazo e do equipamento durante o tempo autorizado.