Acaba de publicarse a segunda convocatoria do Programa IACOBUS, a cargo da Agrupación Europea de Cooperación Territorial / Agrupamento Europeu de Cooperação Territorial Galicia-Norte de Portugal (GNP-AECT), e froito dun convenio entre as universidades galegas e as universidades e institutos politécnicos do norte de Portugal, que financia estadías nestas universidades e institutos para PDI, PAS e persoal investigador das universidades asinantes que haberán de desenvolverse entre o 1 de xaneiro e o 30 de abril de 2015.

Máis info en: 

http://www.gnpaect.eu/gl/comunicacion-1/prensa-1/novas/iacobus-abre-nova-fase-de-candidaturas

O prazo para presentar as solicitudes remata o 5 de decembro de 2014, nas condicións que establece a convocatoria. Se o solicitante fai uso da posibilidade de presentala a través da UDC, haberá de achegar a súa solicitude e a documentación requerida nas bases antes do 4 de decembro á Vicerreitoría de Relacións Internacionais e Cooperación.